Euro-deputetja e Parlamentit Evropian, Viola von Cramon, dhe gjithashtu Raportuese për Kosovën në PE, ka thënë së qeveria e Kosovës nuk është duke zbatuar premtimin e saj që kishte bërë se do të bisedonte me serbët lokal të Kosovës
Sipas raportueses për Kosovën në Parlamentin Evropian, qytetarët serb të Kosovës janë të acaruar me situatën.
“Kjo është me të vërtetë për të ardhur keq. Jam përpjekur që të bisedoj me njerëz nga komuniteti serb në vende të ndryshme. Por e vetmja gjë që kam dëgjuar, pavarësisht nëse i kam takuar gjatë kohës sa isha këtu në Kosovë, nëse ishim në terren, nëse ishte në Strasburg apo në Bruksel, kudo që më takojnë, ata janë shumë të frustruar”, ka thënë von Cramon.
Më tej, Von Cramon, ka treguar se si duhet të bisedojë Qeveria e Kosovë më qytetarë e saj serbe sipas saj i duhet një sistem përkthimi.
“Ata thonë po, në letër janë mirë por, kudo gjendja në terren dhe praktika duken krejtësisht ndryshe. Dhe kjo është ajo që unë mendoj se është me të vërtetë një mundësi e madhe për t’u humbur. Pra, nëse e merrni seriozisht këtë, nëse vërtet dëshironi të keni një dialog me qytetarët tuaj, gjë që unë mendoj se është e vetëkuptueshme, nëse doni të krijoni një shtet dhe keni të paktën dy gjuhë zyrtare, ju duhet një sistem i duhur përkthimi”, ka shtuar ajo.
Von Cromon ka përfunduar se pavarësisht etnisë shqiptare, zyrtarët shtatorë sipas saj duhet të bëjnë përpjekje për t’iu drejtuar në gjuhën serbe popullit, raporton Kallxo.com, transmeton Portali Dukagjini.