Presidentja e Kosovës, Vjosa Osmani, në kuadër të vizitave në komunat e vendit, të premten e 1 shtatorit do ta vizitojë komunën e Rahovecit.
Në orën 11:00, e para e vendit do të pritet në takim nga kryetari i kësaj komune, Smajl Latifi.
Ndryshe, më 18 gusht, presidentja vizitoi komunën e Klinës.
Në kuadër të kësaj vizite, ajo është takuar me institucionet komunale, me qytetarë, si dhe me biznese e OJQ.
Ajo u prit në takim nga kryetari i komunës së Klinës, Zenun Elezaj, me të cilin diskutuan mbi sfidat me të cilat po përballet komuna, si dhe projekte të ndryshme në përfitim të qytetarëve të saj.