Kandidati për Kryeminstër nga radhët e Partisë Demokratike të Kosovës [PDK], Bedri Hamza ka votuar në ora 09:35 në Mitrovicë, në qendrën e votimit në “Andon Zako”.
Hamza ka bërë thirrje qytetarëve që të shfrytëzojnë të drejtën e tyre për të votuar.
“I lus të gjithë qytetarët e Kosovës që ta shfrytëzojnë këtë të drejtë, të drejtën e tyre për të votuar, për të zgjedhur Qeverinë për katër vjetët e ardhshme, uroj që gjithçka të shkojë mirë , besoj që gjithçka do të shkojë mirë, nuk ka asnjë arsye dhe në fund sovrani vendos … për mua çdo rezultat që e votojnë qytetarët e Republikës së Kosovës është i pranueshëm “, ka theksuar Hamza, pasi që e ka shfrytëzuar të drejtën e tij për të votuar.