Një person ka mbetur i vdekur, pasi është qëlluar me armë zjarri në fshatin Peran të Podujevës, të hënën e 13 qershorit.
Këtë për Portali D, e ka konfirmuar zëdhënësi i Polisisë për Rajonin e Prishtinës, Agron Borovci.
“Rreth orës 18:00, është raportuar për të shtëna me armë zjarri në fshatin Peran të komunës së Podujevës. Policia ka dalë në vendin e ngjarjes dhe mbështetur në të dhënat e para, bëhet e ditur se një person, ka humbur jetën si pasojë e plagëve të marra nga arma zjarrit”, ka thënë Borovci.
Sipas tij, vdekja e viktimës është konstatuar nga mjeku.
Ai po ashtu ka bërë të ditur se rasti po vazhdon të hetohet.
“Vdekja e viktimës është konstatuar nga ana e mjekëve emergjent. Policia ka iniciuar një hetim me synim sqarimin e të gjitha rrethanave që karakterizojnë rastin”, ka njoftuar Borovci.