Presidenti ukrainas, Volodymyr Zelenskyy ka konfirmuar se është i gatshëm të flasë me presidentin rus, Vlademir Putin, por pa asnjë ndërmjetës.
Zelenskyy ka thënë se do të hynte në negociata me Putinin, vetëm për kushtet e dialogut dhe jo për kushtet e ultimatumit. Ai ka shtuar se: “Si president, jam gati të flas me Putinin, por vetëm me të. Pa asnjë nga ndërmjetësit e tij dhe në kuadrin e dialogut dhe jo të ultimatumit, raporton “skynews”.
Rusia dhe Ukraina nuk kanë zhvilluar bisedime ballë për ballë që nga 29 marsi që u takuan në kufirin e Bjellorusisë, ndërsa çdo diskutim tjetër është mbajtur nga distanca.
Zelenskyy ka thënë se hapi i parë i qartë drejt negociatave do të ishte tërheqja e trupave ruse nga Ukraina. Presidenti ukrainas ka shtuar: “Largohu nga ky territor që ke pushtuar nga 24 shkurti sepse ky është hapi i parë i qartë për të diskotuar mbi çdo gjë”.