Presidenti ukrainas, Volodymyr Zelensky, ka mbërritur sot në Downing Street ku u prit me një përqafim nga kryeministri britanik, Keir Starmer, ndërsa të dy pozuan para kamerave me një atmosferë serioze.
Para se të hynin në ndërtesë, Zelensky shkëmbeu disa fjalë me Starmerin duke i treguar maceve të njohur të rezidencës, Larry.
Zelensky ndodhet në Londër për t’u takuar me tre aleatët kryesorë evropianë – kryeministrin britanik Keir Starmer, presidentin francez Emmanuel Macron dhe kancelarin gjerman Friedrich Merz – të cilët mbeten mbështetësit më të mëdhenj të Kievit në Evropë.
“Po nisim një javë të re diplomatike. Do të kemi konsultime me udhëheqësit evropianë, duke u fokusuar në çështjet e sigurisë, mbështetjen për qëndrueshmërinë tonë dhe paketat mbrojtëse”, tha Zelensky në adresimin e tij mbrëmjen e 7 dhjetorit.
Vizita e tij vjen pasi bisedimet mes SHBA-së dhe Ukrainës në Florida nuk arritën një marrëveshje të re për paqe.
Presidenti amerikan, Donald Trump, foli para gazetarëve duke kritikuar Zelenskyn dhe u shpreh se ishte “pak i zhgënjyer”, duke pretenduar se presidenti ukrainas nuk e kishte lexuar propozimin më të fundit amerikan për paqe.
Zelensky zhvillon bisedime me aleatët evropianë në Londër pas kritikave të Trumpit