Ukraina po përgatit sulme të reja brenda territorit të Rusisë, ka deklaruar presidenti Volodymyr Zelensky.
“Ne do të vazhdojmë operacionet tona aktive në mënyrë të saktë, ashtu siç duhet të zhvillohen”, tha Zelensky.
Ai shtoi se forcat dhe burimet ushtarake janë duke u përgatitur, ndërsa “sulme të reja janë planifikuar gjithashtu”. Këto komente presidenti ukrainas i bëri në platformën X, pas një takimi me gjeneralin Oleksandr Syrskyi.
Prej muajsh Ukraina ka përdorur dronë për të goditur rafineritë e naftës në Rusi, me synim ngadalësimin e avancimeve të trupave të Kremlinit. Pothuajse çdo ditë raportohen shpërthime të fuqishme në territorin rus, duke e vështirësuar kështu vijimin e pushtimit nga ana e forcave të Vladimir Putinit.