Presidenti ukrainas, Volodymyr Zelensky, pritet të mbërrijë të mërkurën e 8 shkurtit në Mbretërinë e Bashkuar.
Kjo do të jetë vizita e parë e tij në këtë shtet, qëkur Rusia nisi pushtimin e Ukrainës një vit më parë.
Zelensky do të zhvillojë takime me kryeministrin britanik Rishi Sunak dhe pritet të mbajë një fjalim në Parlament, shkruan BBC.
Ndërsa, pritet që Britania e Madhe të shpallë sanksione të reja ndaj Rusisë.
Ndryshe, më 3 janar të këtij viti, dy liderët, kryeministri britanik, Rishi Sunak dhe presidenti ukrainas, Volodymyr Zelenksy, kanë zhvilluar një telefonatë për të diskutuar për luftën dhe sulmet e fundit të Rusisë ndaj Ukrainës.
Sunak e kishte konfirmuar se MB do të vazhdojë mbështetjen afatgjatë për Ukrainën, duke shtuar se po punohet që t’i ofrohen ndihma Ukrainës.
Zelenksy: Kemi vendime konkrete për ta sjellë fitoren më afër