Kandidati i Lidhjes Demokratike të Kosovës (LDK) për deputet, Armend Zemaj, ka kritikuar qeverisjen në Fushë Kosovë, duke vlerësuar se komuna ka pësuar regres gjatë viteve të fundit.
Përmes një postimi në Facebook, Zemaj ka theksuar se udhëheqja e një komune kërkon profesionalizëm, përkushtim dhe punë konkrete në shërbim të qytetarëve.
“Fushë Kosova pa LDK-në ka pësuar regres. Menaxhimi nuk është retorikë dhe as ‘komitet politik’; udhëheqja kërkon punë, përkushtim dhe profesionalizëm”, ka shkruar ai.
Zemaj ka shprehur bindjen se LDK-ja do të rikthehet në qeverisje për të avancuar zhvillimin e Fushë Kosovës dhe për t’u shërbyer më mirë nevojave të qytetarëve.
“LDK do të rikthehet për t’i shërbyer interesit të qytetarit dhe për të çuar përpara zhvillimin e Fushë Kosovës dhe gjithë Kosovës”, ka theksuar kandidati i LDK-së.
Në fund të mesazhit të tij, Zemaj ka ftuar qytetarët t’i bashkohen LDK-së dhe vizionit të saj për qeverisjen e ardhshme.