Trafiku Urban në Komunën e Prishtinës ka njoftuar se nga e mërkura e 20 korrikut do të zgjasë orarin e qarkullimit të autobusëve për disa linja.
Sipas njoftimit, është bërë e ditur se orari i qarkullimit do të zgjatet deri në ora 24:00 për linjat 1, 1A, 3 dhe 4.
“Bazuar në vendimin e Komunës së Prishtinës, NPK “Trafiku Urban” SH.A me datën 19.07.2022 pranon vendimin për zgjatjen e orarit të qarkullimit të autobusëve të TU.
Zgjatja e orarit të qarkullimit të autobusëve fillon nga data 20.07.2022 për linjat: 1, 1A, 3 dhe 4 deri në orën 24:00”, thuhet në njoftim.