5, 12 dhe 19 prilli janë ndër datat që po shqyrtohen për mbajtjen e zgjedhjeve, por këto mund të ndryshojnë varësisht nga zhvillimet politike në ditët në vijim.
Kështu deklaroi kreu i AAK-së, Ramush Haradinaj, pas takimit me presidenten Vjosa Osmani për caktimin e datës së zgjedhjeve, njofton Dukagjini.
Pas takimit konsultativ në Presidencë, Haradinaj tha se në këtë fazë institucionet janë duke vepruar “në autopilot”, pasi sipas tij procesi ka hyrë në një situatë të paqartë.
Ai kritikoi mungesën në takim të përfaqësuesve të Lëvizja Vetëvendosje dhe partnerëve të saj qeverisës, si dhe mungesën e Lista Serbe.
“Shije e keqe ishte mungesa e Vetëvendosjes dhe partnerëve të tyre. Mungoi edhe Lista Serbe. Mungesa është një lloj fyerje për institucionet,” deklaroi Haradinaj.