Ziadin Sela ka dhënë dorëheqje nga posti i kryetarit të Aleancës për Shqiptarët.
Kjo për shkak të disfatës së thellë së partisë së tij në zgjedhjet e së shtunës për këshillin komunal në Tetovë.
Sela është shprehur i zhgënjyer me rezultatin, ngase nuk e kishte pritur një të tillë.
“Nga ky moment marr përgjegjësinë dhe jap dorëheqjen e parevokueshme si kryetar partie. Në periudhën në vijim, organi më i lartë i partisë pas dy Kongreseve dhe Kuvendi Qendror duhet të ulet dhe të vendosë se kush do të jetë ushtrues detyre i kryetarit të partisë”, ka deklaruar Sela, shkruan AlsatM.
Aleanca për Shqiptarët nuk ka fituar asnjë këshilltar ndërsa në përbërjen e deritanishme kishte tre të tillë.