Mëngjesin e së mërkurës, dhjetëra serbë lokalë e kanë pritur me fishkëllima zëvendësministrin për Komunitete dhe Kthim, Radoica Radomiroviq, i cili ka tentuar të hyjë në ndërtesën e komunës.
Siç raporton Kossev, ai është pritur me fishkëllima nga serbët lokalë pasi po tentonte të hynte në ndërtesën komunale me një grup prej dhjetë personash për të vizituar kryetarin e kësaj komune, Lulzim Hetemi.
Ndryshe, më 25 maj, Radoica Radomiroviq është emëruar zëvendësministër për Komunitete dhe Kthim.
Emërimi i Radomiroviq erdhi pasi kryeministri i i Kosovës, Albin Kurti, liroi nga detyra e zëvendësministrit për Komunitete dhe Kthim, Gazmen Salijeviq.
Ministria për Komunitete dhe Kthim në Qeverinë e Kosovës drejtohet nga politikani serb, Nenad Rashiq.