Zyrtarët e Departamenntit të Drejtësisë thonë se ish-presidenti i Shteteve të Bashkuara Donald Trump mund të ketë fshehur dokumente gjatë një kontrolli të FBI-së në pronën e tij në qershor të këtij viti.
Departamenti i Drejtësisë në një dosje gjyqësore ka thënë se “ka mundësi që u bënë përpjekje për të penguar hetimin e qeverisë”. Zyrtarët kanë pretenduar se agjentët ishin “të ndaluar në mënyrë eksplicite” të kontrollonin një kuti magazinimi në rezidencën e Trump në Mar-a-Lago.
Zyrtarët janë shprehur se të dhënat e tjera ka të ngjarë të jenë “fshehur dhe hequr” nga një dhomë magazinimi.
Presidentët amerikanë duhet t’i transferojnë të gjitha dokumentet dhe emailet e tyre në një agjenci qeveritare të quajtur Arkivi Kombëtar dhe FBI është duke hetuar nëse Trump i ka trajtuar në mënyrë jo të duhur të dhënat duke i dërguar ato nga Shtëpia e Bardhë në Mar-a-Lago pasi u largua nga detyra në janar 2021, raporton BBC.
Ish-presidenti Trump ka mohuar çdo keqbërje dhe ka thënë se gjërat ishin të deklasifikuara.
Trump kishte paditur për një listë të detajuar të asaj që ishte marrë nga pasuria e tij dhe po kërkon që qeveria të kthejë çdo send që nuk ishte në objektin e urdhrit të kërkimit.
Avokatët e Donald Trump kanë kërkuar që një avokat “neutral” i palës së tretë, i njohur si mjeshtër special, të sillet për të përcaktuar nëse dosjet e sekuestruara mbulohen nga privilegji ekzekutiv, i cili u lejon presidentëve të mbajnë të fshehta disa komunikime.