Në kuadër të agjendës së tij për të takuar zyrtarë të Mbrojtjes në Kosovë, Zëvendësndihmës sekretari amerikan i Mbrojtjes për Politika Evropiane dhe NATO, David Baker pritet të takohet edhe me Kryeministrin në detyrë, Albin Kurti.
Këtë për Dukagjinin e ka konfirmuar Zëdhënësi i Qeverisë, Përparim Kryeziu.
“Kryeministri Kurti, bashkë me ministrin e Mbrojtjes, Ejup Maqedonci, do ta takojë sonte Zëvendësndihmëssekretarin amerikan të Mbrojtjes për Politika Evropiane dhe NATO, David Baker, në një darkë pune të shtruar nga ministri Maqedonci”, ka deklaruar Kryeziu për Dukagjinin.
Para kësaj darke, zyratari amerikan do të pritet me ceremony zyrtare nga ministri në detyrë Maqedonci, nga ora 16:00.