Ministria e Shëndetësisë ka njoftuar se nga 49 testime në total, kanë rezultuar 2 raste të reja me COVID-19 përgjatë 24 orëve të fundit në Kosovë.
Nga COVID-19 është shëruar një person ndërkaq nuk është shënuar asnjë vdekje.
Raste aktive mbeten 7 persona ndërsa brenda 24-orëve të fundit janë vaksinuar 2 persona.
Me dozën e parë të vaksinës janë vaksinuar 904 mijë e 485 qytetarë, me dozën e dytë janë vaksinuar 824 mijë e 930 të tjerë, me dozën e tretë janë vaksinuar 105 mijë e 378 të tjerë dhe me dozën e katërt janë vaksinuar 1 mijë e 872 të tjerë.
Ministria e Shëndetësisë u ka bërë thirrje qytetarëve që të vaksinohen dhe vaksinimi sipas MSH-së, është dëshmuar të jetë mënyra më e mirë dhe më efikase për të parandaluar infektimin nga COVID-19, format e rënda të sëmundjes dhe vdekjet nga COVID-19.