2 persona kanë mbetur të vdekur dhe një ka mbetur i lënduar si pasojë e një aksidenti në aksin rrugor “Milot – Tuneli Kalimashit”, në vendin e quajtur “Vau Shkjeze”, në Rrubik.
Raportohet se aksidenti i ndodhur në orën 02:30 erdhi si rrjedhojë e humbjes së kontrollit të automjetit nga ana e shoferit me ç’rast, mjeti është përplasur me mbrojtëset metalike anësore të rrugës.
Personat që humbën jetën ishin shtetasit Marius Çeça 31 vjeç, dhe Denis Gjeta 30 vjeç, banues në Tiranë, ndërsa drejtuesi i mjetit shtetasi Marsel Busho 35 vjeç, ndodhet në Spitalin e Traumes në Tiranë.
Raportohet se grupi hetimor po vazhdon punën për sqarimin e plotë të rrethanave të aksidentit, transmeton TCH.