Të shtunën e 17 shtatorit, Këshilli Prokurorial i Kosovës ka njoftuar se ka organizuar mbajtjen e Testit Kualifikues, si hap të ardhshëm të procesit të rekrutimit të prokurorëve në prokurorive themelore të Republikës së Kosovës.
Këshilli Prokurorial i Kosovës njofton se Testi Kualifikues është mbajtur në orën 13:00 në objektin e Akademisë së Kosovës për Siguri Publike në Vushtrri.
Në Testin Kualifikuas kanë marrë pjesë 333 kandidatë, prej tyre do të rekretohen 24 prokurorë në prokuroritë themelore të Kosovës. Ndërsa, pyetjet për testin kualifikues i ka hartuar Komisioni për Rekrutimin e Prokurorëve të Shtetit.
Kryesuesi i KPK-së, Jetish Maloku ka mbikëqyrë rrjedhën e mbajtjes së Testit Kualifikues.
Në kuadër të monitorimit të procesit ishin edhe prokurorë të Zyrës së Kryeprokurorit të Shtetit, kryeprokurorë të prokurorive të vendit, prokurorë të deleguar nga Prokuroria e Apelit.
Po ashtu, të pranishëm për moniotorim ishin dhe Prokuroria Speciale e Kosovës, prokuroritë themelore dhe përfaqësuesit e partnerëve ndërkombëtarë nga radhët e EULEX-it, OSBE-së, EUKOJUST-it, Akademisë së Drejtësisë së Kosovës dhe shoqëria civile.