Deri në katër orë kanë arritur pritjet në dalje nga pika kufitare në Merdarë, duke bërë që radha e automjeteve të arrijë deri në një kilometër, gjë e cila nuk raportohet të ketë ndodhur në hyrje.
Fluksi i pikave kufitare në Kosovë ka vazhduar edhe të dielën e 14 korrikut.
Në pikën kufitare në Dheun e Bardhë, pritjet në dalje janë deri në një orë gjersa radha e kolonave ka arritur deri në 500 metra.
Ndërkaq, në hyrje pritjet janë deri në 15 minuta.
Nga ana tjetër, në Jarinjë, në dalje kolonat arrijnë deri në 60 metra. Njëherësh në Mutivodë, kolonat arrijnë deri në 50 metra.
