Vrasja në Mitrovicë, policia shpalos detaje se çfarë gjeti pas bastisjes së banesës

Policia e Kosovës ka njoftuar se ka identifikuar të dyshuarin për vrasjen e një personi në Mitrovicë të Jugut në orët e hershme të së premtes.

Policia përmes raportit ditor ka bërë të ditur se ka bastisur shtëpinë që është shfrytëzuar nga i dyshuari dhe ka gjetur e sekuestruar një pistoletë, tre karikatorë e 205 fishekë. I dyshuari është në kërkim policor.

Ndërsa, mbrëmë Policia ka publikuar foton e të dyshuarit Valdrin Salihu, shtetas i Suedisë, për vrasjen e një 45-vjeçari të premten.

“Mitrovicë Jugu / 20.09.2024 – 09:45. Pas hetimeve të zhvilluara lidhur me rastin është identifikuar i dyshuari kosovar dhe gjatë kontrollit në banesën që është shfrytëzuar nga i dyshuari është gjetur dhe sekuestruar një pistoletë, tre karikatorë dhe 205 fishekë. I dyshuari është në kërkim policor dhe rasti po hetohet nga njësitet kompetente policore”, thuhet në njoftimin e Policisë.

Ky është personi që dyshohet se e kreu vrasjen në Mitrovicë, policia kërkon ndihmë për arrestimin e tij