Ministria e Shëndetësisë sipas të dhënave të IKSHPS-së, të martën e 28 qershorit ka njoftuar se në 24 orët e fundit janë kryer 208 testime, prej tyre 64 qytetarë kanë rezultuar pozitiv me COVID-19 në Kosovë.
Sipas njoftimit, nuk është shënuar asnjë i vdekur.
Numri i rasteve aktive me COVID-19 aktualisht është 322. Në njoftim të Ministrisë së Shëndetësisë thuhet se gjatë 24 orëve të fundit janë vaksinuar 63 qytetarë.
Numri i të vaksinuarve me dy dozat deri tani është 823 mijë e 696, ndërkaq me dozë të tretë dhe përforcuese është 103 mijë e 167.
