74 policë të rinj nga komunitetet, prej tyre 45 serbë, nisin punën në veri

Policët e rinj nga komunitetet në Kosovë kanë filluar punën të hënën në veri të vendit. Siç ka bërë të ditur zëvendësdrejtori i Policisë për rajonin e veriut të Mitrovicës, Veton Elshani, 45 prej tyre janë të komunitetit serb, 17 boshnjakë, tre turq dhe tetë pjesëtarë të komunitetit rom, ashkali dhe egjiptian

Foto ilustruese

Një grup prej 74 policësh të rinj nga komunitetet e Kosovës, të hënën, më 25 korrik, kanë filluar trajnimin e tyre në veri të vendit.

Zëvendësdrejtori i Policisë për rajonin e veriut të Mitrovicës, Veton Elshani, e ka konfirmuar lajmin për Portalin Dukagjini.

Po ashtu, Elshani ka bërë të ditur se nga 74 policë, 45 prej tyre janë të komunitetit serb, 17 janë boshnjakë, tre janë turq, katër egjiptianë, dy janë pjesëtarë të komunitetit rom dhe dy nga ta janë ashkalij.

Ai ka thënë se policët aktualisht ndodhen në fazën e trajnimit të brendshëm, që përfshin sektorë të ndryshëm, si patrullimi, menaxhimi i trafikut, hetime dhe shërbimet operative.

“74 policë të rinj nga komunitetet kanë ardhur në veri, prej tyre 45 janë nga komuniteti serbë. Ndërsa, të tjerët janë nga komunitetet tjera, romë, ashkali, egjiptas, boshnjak, turq. Për momentin është faza e trajnimit të tyre të brendshëm, e trajnimi i tyre përfshin patrullë, trafik, hetime, e të tjera”, ka deklaruar ai.

Ndër të tjera, Elshani ka thënë se për momentin pjesëtarët e rinj ende nuk kanë dalë në terren.

Policët e rinj janë pjesë e një grupi prej 418 kadetësh të diplomuar në Policinë e Kosovës.

Konkursi për rekrutimin e policëve të rinj, i cili është shpallur në fillim të këtij muaji në të gjitha rajonet, do të zgjasë deri të mërkurën.

Kujtojmë se përfaqësuesit e Listës Serbe, më 5 nëntor, në takimin me përfaqësuesit serbë të institucioneve të Kosovës, kishin vendosur për bojkotimin e institucioneve të Republikës së Kosovës.

Përveç zyrtarëve policorë, punonjësve të gjykatave dhe institucioneve të tjera, dorëheqje kanë dhënë edhe kryetarët e komunave veriore dhe Goran Rakiq, nga pozita e ministrit për Komunitete dhe Kthim në Qeverinë e Kosovës.

“…Ne kemi vendosur të largohemi nga të gjitha institucionet politike, Kuvendi, Qeveria, dhe nga katër komunat në veri të Kosovës, por edhe që të largohen serbët nga gjyqësori, policia si dhe stafi administrativ në katër komunat në veri”, ishin  shprehur nga Lista serbe.

Njoftimi nga Lista Serbe kishte ardhur pas vendimit të autoriteteve të Kosovës për suspendimin e drejtorit të Policisë së Kosovës për rajonin e veriut, Nenad Gjuriq, i cili ka refuzuar që të zbatojë vendimin e Qeverisë së Kosovës për riregjistrimin e makinave që kanë targa të lëshuara nga Serbia në RKS – Republika e Kosovës.

Pas këtyre veprimeve, Policia e Kosovës më 4 janar shpalli konkurs për pranimin e policëve nga radhët e komunitetit serb, boshnjak, turk, goran, rom, ashkali, egjiptian, kroat, malazez dhe maqedonas.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika