Policia e Kosovës ka bërë të ditur se gjatë 24-orëve nuk është regjistruar asnjë aksident trafiku me pasoja fatale.
Sipas raportit 24-orësh, kanë ndodhur 35 aksidente trafiku me persona të lënduar, si dhe 40 aksidente me dëme materiale.
Në kuadër të kontrollit dhe menaxhimit të trafikut rrugor, Policia ka shqiptuar gjithsej 2,233 tiketa trafiku për shkelje të ndryshme të rregullave.
Sa i përket sigurisë publike, janë arrestuar 19 persona, ndërsa 7 persona janë dërguar në mbajtje.
Gjatë kësaj periudhe, po ashtu tre persona kanë shkuar në vuajtje të dënimit.