Prishtina pësoi disfatë në kuadër të xhiros së 10-të të Superligës së Kosovës në futboll nga Dukagjini i Klinës me rezultatin 1 me 0 në stadiumin “Fadil Vokrri” në Prishtinë.
Trajneri i Prishtinës, Ismet Munishi, pas ndeshjes ka thënë se skuadra e Prishtinës meriton të respektohet më shumë, nga të gjitha.
“Kemi pasur kundërshtarë të fortë si Ballkani e Drita. Sot krijuam shumë. Morëm gol nga pakujdesia. Ne jemi profesionistë dhe duhet të luajmë edhe me presion. Nuk jam i kënaqur me rezultatin. E kemi marrë klubin në gjendje të vështirë por nuk do të dorëzohemi, pavarësisht se sulmohemi nga të gjitha anët”, ka thënë Munishi.
Dukagjini mori fitoren e dytë me radhë dhe me tetë pikë mban vendin e nëntë. Ndërsa Prishtina në anën tjetër me 12 pikë mbetet në vendin e katërt.