Të mërkurën është zhvilluar ndeshja në Ligën e Kampionëve mes Interit dhe Barcelonës, e cila pas shumë rreziqeve për të dyja ekipet u mbyll me rezultat të njëjtë.
Pjesa e parë është karakterizuar me aktivitet të ekipit të Barcelonës, pasi rezultati në fund të kësaj pjesë ishte 1-0 për Barcelonën, që shënoi Ousmane Dembele në minutën e dyzet.
Megjithatë në pjesën e dytë mysafirët u rikthyen duke shënuar dy gola në një periudhë të shkurtër kohore, njëra e Nicolo Barellas në minutën e 50-të, tjetra e Lautaro Martinez në minutën e 63-të.
Kjo epërsi nuk zgjati shumë dhe pas 20 minutave shënoi Barcelona duke e barazuar rezultatin në minutën e 82-të.
Për Interin pasoi goli i Robin Gosens në minutën e 89-të, dhe menjëherë më pas erdhi goli i Lewandowskit, duke e barazuar rezultatin 3-3, me të cilin edhe u mbyll ndeshja.
Me këtë barazim, Barça mbetet ende në garë për kalim në fazën e nokautit, ani pse do ta ketë të vështirë pasi ka katër pikë në vendin e tretë. Interi është i dyti me tri pikë më shumë.