Eurodeputeti holandez, Thijs Reuten, ka reaguar në rrjetin social Twitter, një ditë pas diskutimit për liberalizimin e vizave për Kosovën, duke e quajtur ndërlidhjen e liberalizimit me sistemin e ETIAS, si arsyetim për të shtyrë çështjen.
“E turpshme, marre dhe e papërgjegjshme. Pas një raporti jashtëzakonisht pozitiv shtesë për udhëtimin pa viza për Kosovën me kërkesë të Holandës, ky vend i bashkohet një grup vendesh që kanë dalë me një justifikim të ri për të shtyrë sërish vendimin”, ka shkruar Reuten.
Të enjten e 13 tetorit, në Bruksel, u mbajt takimi i Grupit Punues, që në rend të ditës kishte diskutimin për liberalizimin e vizave për Kosovën.
Kur mbledhja është mbyllur për media, u bë e ditur që procesi i liberalizimit të vizave për Kosovën të lidhet me funksionalizimin e sistemit për siguri në Evropë, ETIAS.
Ndërkaq, ky propozim është mbështetur nga Holanda, Franca, Suedia, Blegjika dhe Spanja.
Kësisoj një propozim i tillë e ka shtyrë eurodeputetin holandez, Thijs Reuten, të reagojë ashpër, duke e goditur BE-në për çështjen e vizave për Kosovën.
Beschamend, gênant en onverantwoord. Na een uitermate positief aanvullend rapport over visa vrij reizen voor Kosovo op verzoek van Nederland (!) sluit 🇳🇱 zich aan bij groepje landen wat een nieuw excuus heeft verzonnen om het besluit weer uit te stellen. https://t.co/xtrtpRGMJW
— Thijs Reuten 🇪🇺🌹 (@thijsreuten) October 14, 2022