Elon Musk tha në një postim në Twitter të shtunën se kompania e tij SpaceX do të vazhdojë të financojë terminalet e internetit satelitore Starlink për qeverinë ukrainase gjersa ajo lufton forcat pushtuese ruse.
Miliarderi shkroi në Twitter, “edhe pse Starlink ende po humbet para dhe kompanitë e tjera po marrin miliarda dollarë nga taksapaguesit, ne thjesht do të vazhdojmë të financojmë qeverinë e Ukrainës falas”.
The hell with it … even though Starlink is still losing money & other companies are getting billions of taxpayer $, we’ll just keep funding Ukraine govt for free
— Elon Musk (@elonmusk) October 15, 2022
Nuk ishte menjëherë e qartë nëse Musk, po tregohej sarkastik. Në përgjigje të një postimi në Twitter rreth veprimit, Musk tha, “ne duhet të bëjmë akoma vepra të mira”.
Duke iu përgjigjur një postimi tjetër në Twitter duke thënë se Musk kishte paguar tashmë taksat që po financojnë mbrojtjen e Ukrainës, ai tha : “Fati e do ironinë” shkruan CNBC.
Tweetet pasojnë një deklaratë nga Musk të premten, në të cilën ai tha se SpaceX nuk mund të vazhdojë të financojë terminalet Starlink në Ukrainë. Pasi një raport sugjeroi se kompania e tij hapësinore i kishte kërkuar Pentagonit të mbulonte kostot.
Në një letër nga SpaceX drejtuar Pentagonit, kompania tha se përdorimi i Starlink në Ukrainë mund të kushtojë afërsisht 400 milionë dollarë gjatë 12 muajve të ardhshëm, sipas një raporti nga CNN.