Artistja shqiptare me renome botërore, Dua Lipa, në fjalimin e saj në ceremoninë e çmimeve “Booker” në Londër ka thënë se shkrimi i mirë ka fuqinë që t’i bëjë njerëzit të ndihen mirë.
Ndër të tjera, artistja Lipa vlerësoi librin “Kështjella” të shkrimtarit shqiptar, Ismail Kadare, që siç thotë ajo ky libër i testoi aftësitë e saj gjuhësore gjatë fëmijërisë.
Po ashtu, ajo ka theksuar se ky libër i ka ndihmuar që të mbajë lidhjet me prejardhjen e familjes së saj dhe identitetin si shqiptare e Kosovës.
“Kur kam qenë e re, familja ime vendosi të kthehej në Kosovë. Leximi i librave si ai “Kështjella” i Ismail Kadaresë testoi aftësitë e mia gjuhësore dhe më ndihmoi të lidhesha me prejardhjen e familjes dhe identitetin si shqiptare e Kosovës. Përmes Kadaresë mësova për shpirtin rezistues të shqiptarëve që e mban akoma Kosovën duke luftuar për njohjen e pavarësisë së saj”, ka thënë ajo.
Ajo ka theksuar se është një nder të jesh në mesin e disa prej mendjeve letrare më të mëdha të botës për të folur për leximin e një libri, si ndër kënaqësitë më të thella në botë.
🔊 | Listen to @DUALIPA’s full speech at @TheBookerPrizes in London tonight, talking about how literature has impacted her life and career [@BBCSounds] pic.twitter.com/15Q8ALbAMa
— Dua Lipa Hungary (@dlipahungary) October 17, 2022