Gjatë të shtunës së 22 tetorit është mbajtur Forumi për Gratë, Paqen dhe Sigurinë.
Në këtë edicion të Forumit për Gratë, Paqen dhe Sigurinë ka mbajtur fjalim dhe sekretari amerikan i shtetit, Antony Blinken.
Ambasadori i Shteteve të Bashkuara të Amerikës në Kosovë, Jeffrey M. Hovenier, ka falënderuar sekretarin amerikan të Shtetit, Antony Blinken për fjalimin e këtij të fundit në Forumin për Gratë, Paqen dhe Sigurinë.
“Faleminderit Blinken për mesazhin e tij prekës gjatë seancës kryesore të Forumit për Gratë, Paqen dhe Sigurinë”, ka shkruar Hovenier në Twitter.
Tutje, ambasadori i Shteteve të Bashkuara të Amerikës në Kosovë ka shtuar se mund të nderojnë më së miri trashëgiminë e sekretares Albright, duke avancuar parimet e këtij forumi dhe duke qenë të vërtetë ndaj vlerave tona.