Më tre dhe katër nëntor në Kuvendin e Kosovës do të mbahet takimi i nëntë i Komisionit Parlamentar për Stabilizim – Asociim BE-Kosovë.
Ky takim do të nisë të enjten e tre nëntorit në orën 16:00, ku fjalimin hyrës do ta mbajnë bashkëkryesuesit e komisionit, Mimoza Kusari dhe Romeo Franz.
Në vazhdim, fjalën do ta merr edhe kryetari i Kuvendit të Kosovës, Glauk Konjufca, ministri i Administrimit të Pushtetit Lokal, Elbert Krasniqi, dhe shefi i Zyrës së BE-së, përfaqësues Special i BE-së në Kosovë, Tomas Szunyog.
Gjatë këtij takimi do të diskutohet për progresin e arritur në reformat që lidhen me integrimin në BE.
Po ashtu, temë diskutimi do të jetën edhe të drejtat themelore me fokus te komunitetet jo shumicë, të drejtat e grave dhe dhunën ndaj tyre, sundimin e ligjit, luftën kundër korrupsionit dhe krimit të organizuar, për shoqërinë civile dhe mediat, krizën energjetike, kujdesin shëndetësor dhe mjedisin.
Ndërsa të premten ë katër nëntorit, temë diskutimi do të jetë dialogu i lehtësuar nga BE-ja ndërmjet Kosovës dhe Serbisë dhe bashkëpunimi rajonal.
Bashkimi Evropian vazhdon mbështetjen për Kosovën dhe afrimin e saj me vendet evropiane.