Presidenti i Serbisë, Aleksandar Vuçiq, ka takuar sot presidentin e Francës, Emmanuel Macron, në Pallatin Elysee.
Macron u takua me Vuçiqin para Pallatit Elysee, në prani të Gardës së Republikës së Francës, dhe më pas pasoi një takim ballë për ballë, bën të ditur mediumi serb.
Presidenti i Serbisë, Aleksandar Vuçiq, ka mbërritur në Paris për një vizitë dyditore, ku nesër do të marrë pjesë në Forumin e pestë të Paqes në Paris, ndërsa të premten do të drekojë edhe me përfaqësuesin e Bashkimit Evropian për politikë të jashtme dhe siguri, Josep Borell dhe përfaqësuesin special të Bashkimit Evropian për dialogun ndërmjet Kosovës dhe Serbisë, Miroslav Lajçak.
Ndërkaq, pasditen e së enjtes së 10 nëntorit, presidentja e Kosovës, Vjosa Osmani dhe kryeministri Albin Kurti, do të takohen me presidentin e Francës, Emmanuel Macron.