Presidenti i Këshillit Evropian, Charles Michel ka shprehur mbështetjen e tij për Poloninë gjersa ka theksuar se mbetet në kontakt me autoritetet polake dhe aleatët e tjerë.
Përmes një postimi në Twitter, Michel ka shprehur shqetësimet dhe njëherit, ngushëllimet e tij për viktimat nga sulmi në Poloni.
“I tronditur nga lajmi i një rakete ose municioni tjetër që ka vrarë njerëz në territorin polak. Ngushëllimet e mia për familjet. Ne qëndrojmë me Poloninë. Unë jam në kontakt me autoritetet polake, anëtarët e Këshillit Evropian dhe aleatët e tjerë”, ka shkruar ai.
Shocked by the news of a missile or other ammunition having killed people on Polish territory.
My condolences to the families.We stand with Poland.
I am in contact with Polish authorities, members of the European Council and other allies.@AndrzejDuda @MorawieckiM
— Charles Michel (@CharlesMichel) November 15, 2022
Mediat polake raportuan se dy persona vdiqën të martën pasdite pasi një predhë goditi një zonë ku po thahej gruri në Przewodow, një fshat polak pranë kufirit me Ukrainën.
Kjo ishte hera e parë që raketat ruse kanë rënë mbi territorin polak.
Ndërkaq, NATO po koordinohet me Poloninë pas sulmit të raketave ruse kundër kësaj të fundit. Një gjë të tillë e ka thënë për BBC-në një zyrtar i NATO-s, i cili tha se po shqyrtojnë raportet me aleatin e ngushtë, Poloninë.