Instituti Kombëtar i Shëndetësisë Publike të Kosovës(IKSHPK), ka lëshuar një komunikatë për media në të cilën ka thënë se situata me ujë të pijshëm në zonat vërshuar ende nuk i përmbushë kushtet të klasifikohet si ujë i pijshëm.
IPSHK-ja ka njoftuar se edhe gjatë të martës së 22 nëntorit ka mbledhur mostrat e ujit të pijshëm, në zonat që janë goditur nga shirat dhe përmbytjet, por sipas tyre në to ende ka vlerë të shtuar të turbullirës dhe nuk i plotëson kushtet për përdorimi.
“Impiantet e trajtimit të ujit punojnë me kapacitet të redukuar ose janë jashtë funksionit dhe për pasojë shumë zona mbeten pa furnizim 24 orë”, thuhet në Komunikatën e IPSHK-së në Facebook.
“Në mostrat e analizuara nga të njëjtat sisteme, nga analizat laboratorike fiziko-kimike rezulton vlerë e ngritur e turbullirës që i kalon vlerat standarde të lejuara. Parametra të tjerë fiziko-kimikë rezultojnë në lëkundje në varësi të vlerave të turbullirës”, kanë shtuar ata .
“Nga mostrat laboratorike mikrobiologjike të përpunuara deri më tani, disa nga ato rezultojnë me baktere koliforme dhe si të tilla nuk janë brenda standardeve të parapara”.
IKSHPK-ja së bashku me Qendrat e Ujit kanë thënë se ende vazhdojnë monitorimin e ujit për pije dhe përcjelljen e situatës epidemiologjike në zonat e vërshuar nga reshjet e atmosferike.