Nëpërmjet një postimi në rrjetin social Facebook, i pari i qeverisë së Shqipërisë ka shpërndarë raportin e Bankës Evropiane për Rindërtim dhe Zhvillim. Sipas këtij raporti, Shqipëria është radhitur në vendin e 17 në ranglistën për shërbime digjitale në Botë.
Shqipëria ka shënuar progres në këtë drejtim.
“Nga e 33-ta, Shqipëria ngjitet në vendin e 17-të për shërbimet digjitale dhe del e para në rajon”, ka thënë Edi Rama.
Pas datës 30 prillit, në Shqipëri nuk do të ketë më shërbime në sportele.
“Në 30 prill mbyllim sportelet e shërbimeve me dokumenta dhe i japim një shqelm vendimtar korrupsionit, radhave, zvarritjeve për marrjen e një dokumenti shtetërore” ka shkruar në Facebook, kryeministri shqiptar.
Për këtë arsye, qeverisja dixhitale është shndërruar në një koncept bazë të mirëqeverisjes dhe shtetit ligjor në kohët moderne. Ekzistenca e shërbimeve të automatizuara shtetërore është mënyra më efikase për të reduktuar korrupsionin, burokracitë dhe ineficencën e administratave publike në të gjithë botën.