Deputetja e Listës Guxo, Jeta Statovci, në emisionin Personale te Krenare Vokshin në RTV Dukagjini, ka thënë se deputetja e Kuvendit të Kosovës, Doarsa Kica ka lindur si figurë politike në Listën Guxo.
Më tej, Statovci ka thënë se është kundër aderimit nga partia në një parti tjetër, sepse sipas saj, duhet të ruhet besimi që është marrë nga qytetarët dhe të dërgohet në vend nëpërmjet politikave.
“Është e drejt personale e secilit që pastaj të reflektojë mbi zgjedhjet ose orientimet e tij politike, mirëpo kjo do të duhej vetëm pas përfundimit të mandatit”, ka thënë Statovci.
Në pyetjen se pas përfundmit të mandatit si deputete e Listes Gixo, a do të kthehet në Lidhjen Demokratike të Kosovës, Statovci ka thënë se janë në “një fazë të jashtëzakonshme të bashkëpunimit me Lëvizjen Vetëvendosje, ku synimet dhe qëllimet tona të përbashkëta na bashkojnë”.
Ndërsa për bashkëpunimin në të ardhmen në mes të Listës Guxo dhe LVV-së, Statovci ka thënë se nuk janë në atë fazë për të diskutuar, por sipas saj çdo gjë është e varur nga të dy palët.