Ish-kryetari i Qendrës së Lëvizjes Vetëvendosje në Mitrovicë, Faruk Mujka, është zgjedhur kryeshef Ekzekutiv në Ndërmarrjen Publike “Ibër –Lepenc”.
Këtë e ka bërë të ditur vetë Mujka, përmes një postimi në Facebook, ku ka thënë se çdo udhëtim ka fillimin, itinerarin dhe fundin e tij.
“Nga secili udhëtim kam fituar njohuri, eksperienca dhe miq të ri. Gjërat e këqija të përjetuara gjatë rrugëtimit hudhen pas shpine. Tani, koha për udhëtim të ri”.
“Nga, nesër filloj detyrën e re, Kryeshef Ekzekutiv në NHE “Ibër – Lepenc”, ndërmarrje tepër e rëndësishme për zhvillimin ekonomik të Republikës së Kosovës. Vend ideal për për të kontribuar dhe treguar aftësitë e duhura menaxhuese në përputhje me pritjet e qytetarëve”, ka shkruar ai.
Ndryshe, Faruk Mujka, kryetar i degës së Lëvizjes Vetëvendosje në Mitrovicë, kishte konfirmuar se ka dhënë dorëheqje nga kjo pozitë pas humbjes në zgjedhjet e 17 tetorit.