Veturat e EULEX-it janë parë duke patrulluar në Mitrovicën Veriore respektivisht në lagjen e Boshnjakëve.
Ekipi i gazetarëve nga RTV Dukagjini është në vendin e ngjarjes duke raportuar për çdo gjë që po ndodh atje për të mbajtur opinionin publik të informuar.
Ndërkaq në njoftim nga Policia e Kosovës kanë bërë të ditur se se në vazhdimësi është duke përcjellur dhe vlerësuar situatën e sigurisë në Veri të Kosovës.
Ndërsa, gjatë mbrëmjes të së enjtes (mbrëmë) si pasojë e sulmit me armë zjarri ndaj njësitit policorë, një pjesëtarë i Policisë së Kosovës ishte plagosur, i cili pas trajtimit mjekësorë është në gjendje të mirë shëndetësore, gjithashtu edhe ekipi i gazetarëve nga Kallxo.com janë sulmuar nga disa persona të maskuar.