Vuçiq: Gjithmonë do t’i mbështes serbët në veri, u bëj thirrje të ruajnë paqen

Presidenti i Serbisë, Aleksandër Vuçiq, në lidhje me protestën në Rudar të thirrur nga i ashtuquajturi “shtabi i krizës së popullit serb nga veriu i Kosovës”, ka ftuar serbët që të ruajnë paqen duke theksuar se "serbët në veri kanë gjithmonë mbështetjen time"

Aleksandër Vuçiq, president i Serbisë

“Serbët në veri të Kosovës do ta kenë gjithmonë mbështetjen time për kërkesat e tyre”.

Kështu ka deklaruar presidenti i Serbisë, Aleksandër Vuçiq në një videoadresim të publikuar në llogarinë e tij në Instagram.

“Dhe, nuk do të fshihem nga të mëdhenjtë dhe të fuqishmit në botë. Do të jem gjithmonë i përgjegjshëm për t’iu bërë thirrje që të ruajnë paqen, sepse paqja është në interesin më të mirë të serbëve dhe të Serbisë, si dhe të popullit tonë në Kosovë”, ka thënë Vuçiq, shkruan REL.

Ky reagim i tij vjen në ditën kur disa qytetarë serbë janë mbledhur në një protestë në fshatin Rudar në veri të Kosovës, për të kundërshtuar, siç thanë, “kërcënimet” e kryeministrit të Kosovës, Albin Kurti” në lidhje me heqjen e barrikadave.

Ndryshe, bllokimi i rrugëve në veri të Kosovës ka hyrë në ditën e 13-të.

Që nga e shtuna e 10 dhjetorit, serbët lokalë kanë ngritur barrikada në shenjë pakënaqësie me arrestimin e një ish-pjesëtari serb të Policisë së Kosovës, Dejan Pantiq, për të cilin autoritetet në Kosovë thonë se ka organizuar sulmet ndaj zyrave të Komisionit Qendror të Zgjedhjeve në veri.

Forcat e policisë së Kosovës vazhdojnë të jenë të dislokuara në veri.

Protesta në Rudar hapet duke u shpalosur flamuri i Serbisë (VIDEO)

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika