Presidenti i Ukrainës, Volodymyr Zelenskyy ka zhvilluar një bisedë telefonike të dielën me homologun e tij nga Turqia, Rexhep Tajip Erdogan.
Këtë e bëri të ditur vetë presidenti ukrainas, përmes një postimi në Twitter, duke e cilësuar këtë bisedë të rëndësishme, pasi është theksuar nevoja për evakuim të menjëhershëm të civilëve nga Mariupoli dhe duke përfshirë ngujimin në Azovstal, për të bërë shkëmbim të menjëhershëm të trupave të bllokuara.
“Në prag të bisedimeve të tij me presidentin rus Vladimir Putinin, unë theksova nevojën për evakuim të menjëhershëm të civilëve nga Mariupoli, duke përfshirë Azovstalin, dhe shkëmbim të menjëhershëm të trupave të bllokuara”, ka shkruar Zelenskyy.
(1/2) Had an important phone conversation with President @RTErdogan. On the eve of his talks with Putin, I stressed the need for immediate evacuation of civilians from Mariupol, including Azovstal, and immediate exchange of blocked troops.
— Володимир Зеленський (@ZelenskyyUa) April 24, 2022
Të shtunën, presidenti ukrainas kërcënoi se do të tërhiqej nga çdo negociatë me Moskën nëse trupat ruse do të shkatërronin ukrainasit e strehuar në fabrikën e çelikut Azovstal, zonë e madhe industriale në Mariupol.
Luftëtarët e fundit të Mariupol-it kanë mbetur të ngujuar në fabrikën e çelikut
Turqia ka marrëdhënie të mira si me Ukrainën ashtu edhe me Rusinë, dhe presidenti turk Erdogan ka luajtur një rol kyç në përpjekjen për të ndërmjetësuar një armëpushim midis dy vendeve. Një nga raundet e tilla të negociatave u mbajt muajin e kaluar në Stamboll.
Vetë Erdogan, ka qenë ndërmjetësues i negociatave ku, një tryezë e përbashkët u mbajt në Ankara mes dy delegacioneve.
Pavarësisht kësaj, një marrëveshje paraprake nuk është arrit dhe prej asaj dite, nuk ka pasur më bisedime mbi armëpushim apo mbylljen tërësore të luftës.