Të martën pasdite, dy liderët, kryeministri britanik, Rishi Sunak dhe presidenti ukrasinas, Volodymyr Zelenksy, zhvilluan një telefonatë për të diskutuar për luftën dhe sulmet e fundit të Rusisë ndaj Ukrainës.
Kryeministri britanik, Rishi Sunak, i tha Zelenskyt se Mbretëria e Bashkuar do të vazhdojë mbështetjen afatgjatë për Ukrainën, dhe se po punohet për të siguruar pajisje të mëtejshme në javët dhe muajt e ardhshëm, shkruan CNN.
Pas bisedimit mes dy liderëve, presidenti ukrainas, Volodymyr Zelensky, ka shkruar një postim në rrjetin social, Twitter, ku është shprehur se së bashku me Sunak kanë rënë dakord që t’i intensifikojnë përpjekjet për të sjellë fitoren sa më afër këtë vit. Ai ka shtuar se janë ndërmarrë disa vendime konkrete, por që nuk i ka bërë të ditura.
“Së bashku me kryeministrin Rishi Sunak, diskutuam për bashkëpunimin e mëtejshëm të mbrojtjes. Ne ramë dakord që t’i intensifikojmë përpjekjet tona për të sjellë fitoren më afër këtë vit. Tashmë kemi vendime konkrete për këtë”, ka shkruar Zelenksy.
Together with 🇬🇧 Prime Minister @RishiSunak, we discussed further defense cooperation. We agreed to intensify our efforts to bring victory closer this year already. We already have concrete decisions for this.
— Володимир Зеленський (@ZelenskyyUa) January 3, 2023