Kryetari i Partisë Demokratike të Kosovës(PDK), Memli Krasniqi, ka bërë homazhe te varrezat e fshatit Reçak.
Krasniqi ka thënë se Masakra e Reçakut ka dëshmuar “qëllimin dhe synimin e një politike gjenocidale dhe të orkestruar të Serbisë kundër shqiptarëve në Kosovë”.
“Vrasja e 45 civilëve në Reçak, në gjaktftohësi dhe me paramendim, ishte krim kundër njerëzimit – çka me të drejtë e cilësoi edhe ambasadori William Walker. Krimet ndaj popullatës civile shqiptare, gjatë luftës së viteve 1998/99, nuk do të harrohen asnjëherë dhe për to, nuk do të heshtim derisa drejtësia të vihet në vend”, ka shkruar kreu i PDK-së, Memli Krasniqi.
Krasniqi ka shtuar se kanë bërë homazhe te Kompleksi Përkujtimor në Reçak, për t’i përkujtuar viktimat e kësaj masakre.
“Lavdi të përjetshme martirëve, dëshmorëve dhe heronjve të Kosovës!”, ka theksuar tutje ai.