Artisti i madh James Wines, është kundër çdo lloj arti, nëse ai e cenon apo dëmton ambientin.
“Nëse e vret mjedisin për artin, nuk ia vlen. Asgjë nuk është aq e rëndësishme. Dhe ka shumë mënyra të tjera për të bërë art. Unë gjithmonë them diçka dhe bëj diçka që dikush e kundërshton. Unë isha një artist që gradualisht u zhvendosa në arkitekturë, kështu që ne e kaluam atë barrierë tradicionale’’.
‘’Unë isha duke bërë skulpturë, skulpturë abstrakte, mendoj, në traditën konstruktiviste, dhe përmbajtja dhe konteksti janë një dhe e njëjta gjë. Dhe mendoj se kjo është arsyeja pse e lashë skulpturën’’, ka thënë Wines.
Ai është kategorikisht kundër dëmtimit të mjedisit, edhe atëherë kur mund të krijosh art të paparë ndonjëherë.
“Unë isha në studion time duke punuar, teksa po diskutonin për arratisjen nga galeria, dhe daljen nga ai mjedis i çmuar. Gjithmonë thoshim se ishte e mrekullueshme ta vendosje artin aty ku nuk e pret ta gjesh. Njerëzit në mënyrë të pandërgjegjshme vijnë atje për të blerë mallra, ata kurrë nuk mendojnë për ndërtesën, ata kurrë nuk kanë vetëm një qëllim”.
“Ata parkojnë makinën e tyre, hyjnë, blejnë atë që u nevojitet dhe shkojnë në shtëpi. Unë besoj se arkitektura, si një imponim publik në të vërtetë, ka një përgjegjësi të komunikojë, për t’u angazhuar në këtë dialog me publikun. E kam theksuar se artistët me të vërtetë i shërbejnë njerëzimit, mirëpo jo duke dëmtuar diçka tjetër, e aq më pak mjedisin, ai më nuk quhet art”.
Përpara se të mendojmë vetëm për vete dhe për art, Wines ka thënë se duhet të mendojmë edhe për atë që gjendët mes nesh. Ai ka theksuar se është “i dashuruar” marrëzisht ndaj artit, mirëpo asnjëherë për ta shfrytëzuar atë, kundrejt diçkaje tjetër.
“Pra, pse të mos bëjmë një ndërtesë si një kritikë të vetvetes? Kështu që unë thashë: Epo, po sikur të mbajmë të gjitha pemët? Ne thjesht do të ndërtojmë një ndërtesë rreth pemëve.” Por më pas kuptova se ajo çfarë bëjmë ne, e ndryshon krejtësisht arkitekturën e peizazhit, e cila gjithmonë për mua është shumë e vështirë. Gjithmonë është duke u përplasur me bimë dhe shkurre të vogla, dhe gjithçka është e orkestruar. Kështu që mjedisin natyror lëreni ashtu siç është“, thotë Wines.
Pothuajse çdo javë, në Muzeun e Arteve Moderne në Manhattan, ftohen artistë të mëdhenj të cilët përcaktojnë termat “arkitekturë” dhe “mjedis”, rëndësinë e të dyjave dhe krijimin e tyre pa dëmtuar njëra-tjetrën.