Komandanti i misionit të KFOR-it të udhëhequr nga NATO, gjeneralmajor Angelo Michele Ristuccia, ka vizituar njësitë e KFOR-it të stacionuara në Camp Villaggio Italia me rastin e marrjes së ardhshme të kontingjentit italian.
“Gjenerali Ristuccia u prit nga Komandanti i RC-W dhe u takua me përfaqësuesit e kontingjenteve ndërkombëtare të pranishëm në bazë”, thuhet në njoftimin e KFOR-it.
Tutje thuhet se gjeneralmajori Ristuccia ka shprehur vlerësimin e tij për përpjekjet e vazhdueshme të Komandës Rajonale të KFOR-it-Perëndim për të garantuar siguri të qëndrueshme në Kosovë dhe në gjithë rajonin.
Mes tjerash njoftohet se “KFOR-i është plotësisht i përgatitur dhe i gatshëm të adresojë çdo zhvillim të sigurisë në përputhje me mandatin e tij të OKB-së”.