Një delegacion jozyrtar nga Shtetet e Bashkuara ka vizituar qytetin lindor të Ukrainës, Izium, i cili është çliruar nga pushtimi rus në shtatorin e kaluar.
Delegacioni përfshinte gjeneral-lejtnantin në pension të ushtrisë së SHBA Keith Kellogg dhe shoqërohej nga Oleh Syniehubov, i cili është kreu i administratës ushtarake të rajonit të Kharkiv.
Syniebuhov ka thënë në Telegram se “Partnerët tanë amerikanë vëzhguan personalisht shkallën e shkatërrimit të shkaktuar nga granatimet dhe pushtimet ruse dhe shqyrtuan provat e krimeve të luftës ruse në rajonin e Kharkiv”.
“Megjithë shkatërrimin e madh dhe infrastrukturën kritike të dëmtuar, Izium po rikthen gradualisht jetën e tij normale. Njerëzit po kthehen në qytet dhe bizneset po rifillojnë funksionimin”, ka shtuar ai.
Vizita në Izium ka ardhur pasi ish-kryeministri britanik, Boris Johnson u kthye në Kiev të dielën ndërsa vendi shënoi Ditën e Unitetit të Ukrainës.
Johnson ka udhëtuar dhe në Bucha e Borodianka me kreun e administratës ushtarake rajonale të Kievit, Oleksii Kuleba, raporton CNN.