Prokuroria Themelore në Prishtinë ka bërë të ditur se gjatë ditës së hënë, Policia e Kosovës ka arrestuar 9 persona. Ata dyshohen se kanë kryer veprën penale ‘’Keqpërdorimi i pozitës apo autoritetit’’ dhe veprën penale të ‘’Mashtrimit’’ të cilët me veprimet e tyre dyshohet si kanë shkaktuar dëme Komunës së Lipjanit në vlerë rreth treqind mijë euro.
Ndaj kësaj ka reaguar Lëvizja Vetëvendosje dega në Lipjan, duke kërkuar edhe arrestimin e kryetari të komunës së Lipjanit, Imri Ahmetit.
VV-ja ka akuzuar Ahmetin se ka fshehur keqpërdorimin e parasë publike dhe korrupsionin në këtë komunë.
“Zbarkimi i policisë në Lipjan, nuk duhet të kthehet pa Imri Ahmetin. Keqpërdorimi i parasë publike e korrupsioni në Komunën e Lipjanit ka kohë që ka përfshirë secilin projekt e tenderë, por aftësia për t’i mbuluar e fshehur ato nga ana e qeverisjes lokale dhe Kryetarit Imri Ahmeti dukej se po funksiononte. Megjithatë, pas arrestimit të mëparshëm të zyrtarëve të Bujqësisë, sot u njoftuam për arrestimim e nëntë zyrtarëve tjerë të Komunës së Lipjanit për dëmtimin e buxhetit përmes pranimit të punimeve në stadiumin e Magurës i cili kurrë nuk ka përfundu, por mbetet një gërmadhë”, thuhet në njoftimin e tyre.
“Sidoqoftë zyrtari i dhjetë që duhet të arrestohet, është Imri Ahmeti. Kryetari i Komunës qëndron mbrapa çdo keqpërdorimi, investimi e manipulimi, i cili vjelë përfitimet nga këto keqpërdorime”.
Ata kanë thënë se VV-ja në Lipajn vazhdimisht ka denoncaur dhe alarmaur abuzimet ne projektin e Stadiumit të Mgures.
“Lëvizja VETËVENDOSJE! në Lipjan e asambleistët tanë vazhdimisht kanë denoncuar e alarmuar për abuzimet e shkeljet në projektin e Stadiumit të Magures, si dhe kemi ftuar prokurorinë për hetim. Gjendja e njëjtë është edhe në Dobrajë të Madhe. Ne i bëjmë thirrje hetuesisë e prokurorisë që të zgjerojë hetimet edhe tek Kryetari Imri Ahmeti e bashkpunëtorët e tij të ngushtë, për të nxjerrë para drejtësisë të gjithë ata që kanë keqpërdorur e kanë përfituar”.
“Ky është fillimi i fundit të Imri Ahmetit. Populli thotë: kungulli mbi ujë nuk të shkon gjithë”.