DASh nuk komenton raportimet për bllokim të anëtarësimit të Kosovës në KiE

Departamenti i Shtetit Amerikan ka mohuar t’i komentojë raportimet e ditës së martë ku thuhej se shtetet e BE-së, anëtare të KiE kanë pranuar nota nga ambasadat amerikane për të mos futur çështjen e anëtarësimit të Kosovës në Këshill, pa e marrë një qëndrim për Asociacionin. DASh ka deklaruar se qëndrimi amerikan ndaj ASK-së në Kosovë është i qartë

Departamenti Amerikan i Shtetit (DASH)

Departamenti i Shtetit nuk ka dashur të komentojë raportimet në media se ShBA-ja ka kërkuar që të bllokohet anëtarësimi i Kosovës në Këshill të Evropës derisa Kosova të mos ketë një qëndrim më konstruktiv për Asociacionin e komunave me shumicë serbe.

“Euronews Srbija” ka raportuar, se ministritë e jashtme të disa vendeve të Evropës, anëtarë të Këshillit të Evropës, kanë marrë një notë nga ambasada e SHBA-së në të cilën thuhet se Washingtoni konsideron se çështja e anëtarësimit të Kosovës në Këshill të Evropës nuk duhet të vendoset në agjendën e Komitetit të Ministrave të Këshillit të Evropës.

Po ashtu thuhet se SHBA-ja ka kërkuar që çështja e anëtarësimit të Kosovës në Këshill të Evropës të mos vendoset në rend dite, derisa Kosova të ketë një qëndrim më konstruktiv për Asociacionin e komunave me shumicë serbe.

Departamenti i shtetit në një përgjigje për Zërin e Amerikës ka thënë se qëndrimi amerikan ndaj ASK-së është i qartë.

“Siç theksuan në tekstin e përbashkët të këshilltarit Derek Chollet dhe zëvendësndihmës sekretarit të shtetit Gabriel Escobar tash është momenti për ta krijuar Asociacionin e komunave me shumicë serbe”, thuhet në përgjigjen e Departamentit të Shtetit.

Në një intervistë për Zërin e Amerikës, përfaqësuesi i administratës amerikane, Escobar, ka folur për themelimin e Asociacionit të Komunave Serbe, i cili tha se do të formohet, siç tha ai, me ose pa kryeministrin e Kosovës, Albin Kurti duke specifikuar se shteti dhe qeveria e Kosovës tashmë janë pajtuar për të.

 

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika