Është arrestuar i dyshuari mashkull kosovar, pasi ai dyshohet të ketë ngacmuar seksualisht një grua, të mërkurën në Prizren.
Raporti 24-orësh i Policisë së Kosovës bën të ditur se viktima ka pranuar tretman mjekësor.
“NGACMIM SEKSUAL/Prizren 01.02.2023 -17:40. Është arrestuar i dyshuari mashkull kosovar, nën dyshimin se i njëjti e ka ngacmuar seksualisht viktimën femër kosovare, me ç’rast e njëjta ka pranuar tretman mjekësor”, thuhet në raport.
Pas intervistimit, me vendim të prokurorit, i dyshuari është liruar në procedurë të rregullt.