Presidenti amerikan, Joe Biden, ka urdhëruar një avion luftarak të rrëzonte një “objekt të paidentifikuar në lartësi të madhe” në Alaskë, të premten, kështu ka bërë të ditur Shtëpia e Bardhë.
Zëdhënësi John Kirby ka theksuar se objekti përbënte një kërcënim të arsyeshëm për aviacionin civil.
Ndërkaq, qëllimi dhe origjina e objektit ishin të paqarta, ka thënë Kirby, shkruan BBC.
Një gjë e tillë ka ndodhur një javë pasi ushtria amerikane ka shkatërrruar një balonë kineze mbi ujërat territoriale të ShBA-së.
Duke folur në Shtëpinë e Bardhë të premten, Kirby tha se objekti po fluturonte në 12,000 m mbi bregun verior të Alaskës.
Dhe, sipas tij, ka fluturuar me shpejtësi prej 64 km/h, dhe ishte mbi det në momentin kur po rrëzohej.
Ai ka theksuar gjithashtu se kur dy avionë i janë afruar objektit, kanë vlerësuar se nuk kishte njeri në bord.