Kryeministri i Kosovës, Albin Kurti, është irrituar nga ndërprejet e shpeshta që ia shkaktonte deputeti i LDK-së Arben Gashi.
Para deputetëve të Kuvendit të Kosovës, Kurti tha se deputeti Gashi po tregohet i papjekur.
Kryeministri iu drejtua qytetarëve duke thënë se në fjalimet e tij ka ndërprerje për shkak të ndërhyrjeve sipas tij të vazhdueshëm të deputetit të LDK-së, Arben Gashi.
“Deputeti Gashi, se qytetarët nuk e dinë që është shumë vështirë të flasësh prej ndërhyrjeve tua këtu, nuk e dinë që nganjëherë po marrë kohë më shumë sepse duhet të pres të ndaleni ju. Për mua vazhdon të mbetet e pabesueshme sa e pafundme është papjekuria juaj. Andaj mos më ndëpreni, sa herë e doni fjalën e merrni, por mos më ndëpreni. Qytetarët nuk e dinë pse fjalimi ka pauza, ai ka pauza ndërmjet sepse duhet të qetësohet njëri”, ka thënë ai.
Kurti ishte duke folur në lidhje me dialogun Kosovë – Serbi si dhe propozimin e BE-së për normalizim të marrëdhënieve.