Presidenti serb, Aleksandër Vuçiq, para se të nisej për në Bruksel, ku do të takohet me kryeministrin e Kosovës, Albin Kurti, i është drejtuar publikut.
Vuçiq i falënderoi të gjithë ata që e kanë mbështetur, duke theksuar se do të bëjë më të mirën për Serbinë.
“Për 15 minuta do të nisemi për në Bruksel, kemi bërë përgatitjet e fundit. Dua të falënderoj pjesën e Serbisë që ka besim në udhëheqjen e saj shtetërore dhe beson se ne do të bëjmë atë që është më e mira për vendin tonë”, ka shkruar Vuçiq, shkruan N1.
Ai shtoi se “nuk do të ketë kapitullim apo kthim në vitet 1990 dhe se Serbia do të ecë përpara sado e vështirë të jetë”.
Këtë të hënë (27.02.2023) takohen sërish në Bruksel kryeministri i Kosovës, Albin Kurti dhe presidenti serb, Aleksandar Vuçiq. Tema e bisedimeve është plani i inicuar nga Gjermania dhe Franca për normalizimin e marrëdhënieve mes dy vendeve.